Зәйдә 49нчы тапкыр махсус операция хәрбиләре белән традицион очрашу узды

Зәйдә 49нчы тапкыр район җитәкчелегенең кыска вакытлы ялда булган хәрби хезмәткәрләр – махсус хәрби операция катнашучылары белән традицион очрашуы узды. Чара «Без бергә» психологик-педагогик ярдәм үзәгендә үткәрелде.

Очрашуда Зәй муниципаль районы башлыгы Рәзиф Кәримов, хәрби комиссар вазифаларын башкаручы Александр Гурьянов, хәрби хезмәткәрләр һәм аларның гаиләләре мәсьәләләрен хәл итү белән шөгыльләнүче профильле хезмәтләр, хәйрия фондлары һәм волонтерлык берләшмәләре вәкилләре катнашты.

Очөашуда катнашучыларга сәламләү сүзе белән Рәзиф Кәримов мөрәҗәгать итте. Ул хәрбиләргә батырлыклары, сабырлыклары һәм бурычка тугрылыклары өчен рәхмәт белдерде. Мондый очрашулар ачык әңгәмә, хәрбиләргә һәм аларның якыннарына вакытында ярдәм итү өчен кирәк, дип ассызыклады ул.

Алга таба бүләкләү тантанасы булды. Махсус операция катнашучыларының гаиләләрендә балалар туу уңаеннан Хәлиловлар һәм Носовлар гаиләләренә 100 мең сумлык сертификатлар тапшырылды.

Рәзиф Кәримов яшь гаиләләргә иминлек һәм ныклы сәламәтлек теләде.

Хәрби часть командованиесе Зәй халкына һәм район башлыгына хәрбиләргә күрсәткән гуманитар ярдәмнәре өчен рәхмәт белдерде, дип билгеләп үтелде очрашуда. Гуманитар йөкләр формалаштыруга һәм илтеп тапшыруга керткән өлешләре өчен җәмәгать эшлеклеләренә, волонтерларга һәм районның актив халкына медальләр һәм рәхмәт хатлары тапшырылды.

«Җылы Зәй» хәйрия фонды җитәкчесе Марат Кыямов, «Теплосервис» ҖЧҖ баш инженеры Евгений Храмов, шулай ук махсус хәрби операция ветераны Рифкать Зиннуров рәхмәт хатлары белән бүләкләнде.

Материал Айгөл Яруллина катнашында әзерләнде.