Пенза өлкәсе мөселманнары Согуд Гарәбстанына кече хаҗ кылу өчен китте
Пенза өлкәсе мөселманнары Согуд Гарәбстанына кече хаҗ кылу өчен китте. Әлеге төркемгә шулай ук күрше төбәкләрдән — Саратов һәм Ульяновск өлкәләреннән, шулай ук Мәскәү мөселманнары кушылды, дип хәбәр итә РФ Мөселманнары Диния нәзарәте.
Группа белән Рәшит хәзрәт Куряев җитәкчелек итә. Хаҗ кылучылар өчен рухи үгет-нәсихәтләр һәм өстәмә дәресләрне мөфтинең беренче урынбасары Рәфыйк хәзрәт Шабанов үткәрә.
Башта алар өч көн Мәдинәдә үткәрәчәкләр, аннары Мәккәгә китәчәкләр, анда бер атна торачаклар. Тәҗрибәле остазлар җитәкчелегендә алар гомрәнең барлык йолаларын үтәячәк, шулай ук әһәмиятле урыннар турында күбрәк белү өчен экскурсияләрдә булачак, диелә хәбәрдә.