Казанда төнлә кар чистарту урыннарыннан 36 машинаны эвакуатор алып киткән
Казанда бүген төнлә 34 җиңел машинаны һәм ике йөк машинасын штрафстоянкаларга алып киткәннәр.
Казан Дәүләт автоинспекциясендә хәбәр итүләренчә, машиналарны дөрес урынга куймау һәм шәһәрне кардан чистартырга комачаулау сәбәпле эвакуатор алып киткән.
«Татар-информ» хәбәр иткәнчә, «Буран» планы гамәлдә булу сәбәпле, Казанның Киров һәм Мәскәү районнарында машиналарны махсус стоянкага күчерәләр. Башка районнарда машиналарны эвакуатор белән алып киткәннәрме икәне әлегә билгеле түгел.