Казанның Сул як Болак урамында машиналарның су эченнән баруын видеога төшергәннәр

Казанның Сул як Болак урамын су баскан. Шаһитлар социаль челтәрләрдә автомобильләрнең тәгәрмәч биеклеге су эченнән баруын сурәтләгән видеолар урнаштыра. «Яндекс.Карты» мәгълүматлары буенча, Чернышевский урамыннан алып Батурин күперенә кадәрге чатта хәрәкәт кыенлашкан.

«Водоканал» муниципаль унитар предприятиесе матбугат хезмәтендә «Татар-информ» агентлыгына хәбәр итүләренчә, урында бригада эшли - белгечләр челтәрләрне тикшерә.