Чаллыда машина урлаган 15 яшьлек ике яшүсмерне тоткарлаганнар
Яр Чаллыда полиция күрше ишегалдыннан машина урлаган ике яшүсмерне тоткарлаган.
ТР буенча Эчке эшләр министрлыгында хәбәр итүләренчә, гыйнвар ахырында Чаллы полициясенә 41 яшьлек ир-ат мөрәҗәгать иткән, аның яңа шәһәр микрорайонының бер ишегалдында тукталган машинасы югалган, дип сөйләгән. Үзенең финанс зыянын ул 70 мең сум дип бәяләде.
Полиция хезмәткәрләре шул ук көнне күрше ишегалдында автомобиль тапкан, ә берничә көннән алар шикләнелүчеләрне тоткарлый алган. Алар җирле көллиятләрнең берсендә 15 яшьлек ике яшүсмер-студент булып чыкты.
Урлаучыларга җинаять эше кузгатканнар һәм тикшерү вакытында читкә китмәү турында подписка белән җибәргәннәр. Аларга биш елга кадәр ирегеннән мәхрүм ителү яный.