Санкт-Петербургта 9 яшьлек малайны урлауда шикләнелүче ир-атны тоткарлаганнар
Санкт-Петербург полициясе тугыз яшьлек баланың югалуына катнашы булуда шикләнелгән ир-атны тоткарлаган. Бу хакта ТАСС Тикшерү комитеты идарәсенә нигзеләнеп яза.
Ведомство мәгълүматы буенча, малай 30 гыйнварда көндез өйдән чыгып киткән һәм кире кайтмаган. Аны йөзләгән волонтер һәм хокук саклаучылар эзләгән. Җинаять эше кузгатылган, ә вакыйганың төп версиясе булып хәзер урлау санала.
Шикләнелүчене тоткарлауларына карамастан, баланың үзен әлегә таба алмадылар.