Мишустин Россия икътисадының тотрыклы булуы турында белдерде
Премьер-министр Михаил Мишустин Россия икътисадының тотрыклы булуы турында белдерде. Журналист Павел Зарубинның соравына җавап биреп, ул шундый фикерен җиткерде. Хәбәрче шул хактагы видеоны телеграм-каналында урнаштырган.
«Беренче чиратта, Россия икътисады тотрыклы. Без барлык социаль йөкләмәләрне үтибез һәм үтәячәкбез», - дип белдерде ул.
Мишустин шулай ук хакимиятнең Үзәк банк белән берлектә инфляция белән көрәшүен искәртте.
«Бу көрәшнең нәтиҗәләре - фараздан түбәнрәк инфляция. Ул бер елда 5,59 процент булды», - дип өстәде Хөкүмәт башлыгы.
Аның сүзләренчә, икътисад үсешенә ярдәм итү өчен бигрәк тә технологик лидерлык өлкәсендә илкүләм проектларны гамәлгә ашыру мөһим.