Савелий Коростелев 2026 елгы Олимпиадада скиатлонда дүртенче урынны алды
Россия чаңгычысы Савелий Коростелев 2026 елгы Олимпия уеннарында скиатлонда дүртенче урынны яулады. Бу хакта «ТАСС» агентлыгы хәбәр итә.
Коростелев дистанцияне 46 минут14,6 секундта үтте. Өченче урынны алыр өчен аңа - 1,5 секунд, беренче урын өчен 3,6 секунд җитмәде.
Ярышта Норвегия спортчысы Йоханнес Клебо җиңү яулады, ул карьерасында алтынчы Олимпия алтын медаленә лаек булды.
Скиатлонда җиңү Клебога Олимпия уеннарында чаңгычылар арасында алтын медальләр саны буенча икенче урынга күтәрелергә мөмкинлек бирде. Ул ватандашы Томас Альсгордны узып китте. Норвегия спортчысы Бьорн Дэли абсолют рекордсмен булып кала, аның исәбендә - Олимпия уеннарында сигез җиңү.
Хатын-кызлар ярышларында Олимпия уеннарында яуланган алтын медальләре саны буенча Марит Бьерген алда бара, аның шулай ук сигез алтын медале бар. Икенче урында – Россия чаңгычысы Любовь Егорова (6 алтын медаль), өченчедә - Лариса Лазутина (5 медаль).
Олимпия уеннары 22 февральдә тәмамлана.