Әлмәт районында махсус хәрби операция катнашучылары 44 яңа гаилә корган
Әлмәт муниципаль районы ЗАГС идарәсе эшлекле дүшәмбедә 2025 елга йомгак ясады. Иң тәэсирле нәтиҗәләрнең берсе – махсус хәрби операциядә катнашучыларның 44 яңа гаилә коруы.
Ватанны саклаучыларга уңайлы булсын өчен бүлек эше махсус режимда оештырылды. Хәрби хезмәткәрләр никахлашуның тизләтелгән тәртибеннән файдалана алганнар, бу кыска вакыт эчендә мөнәсәбәтләрне рәсмиләштерергә мөмкинлек биргән.
«Без хәрби кешенең үз якыннары белән өйдә үткәрә алган һәр көннең никадәр кыйммәтле булуын бик яхшы аңлыйбыз. Безнең бурыч – барлык юридик процедураларны тиз узып, якты тәэсирләр генә калдыру», - дип билгеләп үтте ЗАГС идарәсе җитәкчесе Илсөяр Зөбәерова.
Ялларның кыска вакытлы булуына карамастан, күп кенә парлар, вакыйганың мөһимлеген ассызыклап, никахны тантаналы рәвештә теркәүне өстен күрделәр. ЗАГС идарәсе шулай ук яшь парларны районның иҗтимагый тормышына җәлеп итә.
2025 елның төп инициативасы «Безнең геройларга» патриотик акциясе булды. Гаилә тормышының юбилейларын билгеләп үтүче яшь парлар үзләренең хезмәттәшләренә һәм алгы сызыктагы барлык сугышчыларга җылы сүзләр һәм ярдәм открыткалары яздылар.
Моннан тыш, Әлмәт районында СВОда катнашучыларга һәм аларның гаилә әгъзаларына ярдәм күрсәтүнең комплекслы системасы эшли, ул 50дән артык социаль, матди һәм психологик ярдәм чарасын үз эченә ала.
Әлеге чаралар «Гаилә» илкүләм проекты максатларына туры килә.