Әлмәттә Муса Җәлилнең 120 еллыгына багышланган митинг була
Әлмәтлеләрне Муса Җәлилнең 120 еллыгына багышланган истәлекле митингта катнашырга чакыралар. Бу хакта Әлмәт районы башлыгы матбугат хезмәте хәбәр итә. Чара 16 февральдә 13:00 сәгатьтә СССР Герое һәм атаклы «Моабит дәфтәрләре» авторы хөрмәтенә куелган һәйкәл янында узачак.
Митинг яңа буыннарга Муса Җәлилнең бөек мирасы турында искә төшерергә һәм шәһәр халкын туган якның мәдәни тормышында катнашырга җәлеп итәргә тиеш, диелә хәбәрдә