Казанның «Черек күл» паркындагы шугалак вакытлыча эшен туктатты

Казанның «Черек күл» паркындагы шугалак вакытлыча ябылды. Бирегә килүчеләр өчен боз мәйданчыгы да, тимераякларны прокатка бирү пункты да эшләми, дип хәбәр иттеләр Казан парклары һәм скверлары дирекциясе Телеграм-каналында.

Чикләүләр һава шартлары начар булу сәбәпле кертелгән. Белгечләргә бозны кардан чистартырга һәм аны куркынычсыз хәлгә китерергә кирәк булачак.

Шәһәр кешеләре һәм туристларга техник эшләр тәмамланганчы бозга кермәскә киңәш итәләр. Шугалакның кайчан ачылачагы хакында өстәмә рәвештә хәбәр ителәчәк.