Рөстәм Хуҗин Түбән Кама районы мәгариф идарәсе башлыгы итеп билгеләнде
Түбән Кама муниципаль районы башкарма комитетының мәгариф идарәсен Рөстәм Хуҗин җитәкләде. Аны «Эшлекле дүшәмбе»дә район башлыгы һәм шәһәр мэры Радмир Беляев тәкъдим итте.
«Рөстәм Нияз улы – тәҗрибәле педагог һәм җитәкче. Ул дистәләгән еллар дәвамында мәгариф системасында эшләгән кеше. Ул укытучыдан югары дәрәҗәдәге җитәкчегә кадәр хезмәт юлы узды, - дип билгеләде Беляев. - Төрле юнәлешләрдә эшләде, мәктәпләрне җитәкләде, соңгы елларда Чаллы башкарма комитетының мәгариф идарәсе җитәкчесе һәм индустриаль-педагогика көллияте директоры булды. Аның һөнәри тәҗрибәсе тотрыклы директорлар коллективы һәм көчле мәгариф системасы булган районыбызда мәгариф системасын үстерергә ярдәм итәчәк, дип ышанам».
Рөстәм Хуҗин Чаллыда туган. 2025 елның 1 сентябреннән Чаллы дәүләт педагогика университетының индустриаль-педагогика көллияте директоры вазифасын башкарды. 2020 елдан 2025 елның июленә кадәр шәһәрнең мәгариф идарәсен җитәкләде, элегрәк ике мәктәп директоры булып эшләде, яшүсмерләр клублары системасында, мәгариф идарәсендә һәм яшьләр үзәгендә хезмәт куйды.
Исегезгә төшерәбез, 2021 елдан 2026 елга кадәр Түбән Кама районы мәгариф идарәсен Айдар Гарифуллин җитәкләде. Ул Казан инновацион университетының Түбән Кама филиалы директоры итеп билгеләнде.
Фото: ТР Түбән Кама районы матбугат хезмәте