Бөгелмәдә яшәүче 56 яшьлек хатын-кызның башына түбәдән боз кисәге төшкән
Бөгелмәдә яшәүче 56 яшьлек хатын-кызга өй түбәсеннән боз кисәге төшкән. Башы җәрәхәтләнгән хатын-кызны носилка белән алып киткәннәр.
ТР прокуратурасы хәбәр иткәнчә, күп фатирлы йортка «ЖЭУ-6» идарә компаниясе хезмәт күрсәтә. Аның җитәкчеләрен хәзер тикшерү көтә.
Хәлнең нечкәлекләрен ачыклау өчен урынга Бөгелмә шәһәре прокуроры вазифаларын башкаручы Илнур Сәетов килде.