Татарстанда 62,8 меңнән артык йорт эте теркәлгән
Татарстанда йорт хайваннары тотучылар 62,8 меңнән артык этне рәсми рәвештә теркәгән. Бу хакта Татарстан Республикасы Министрлар Кабинетының Баш ветеринария идарәсе матбугат хезмәте хәбәр итә.
Республикада йорт хайваннарын теркәү процедурасын гадиләштерү өчен күчмә пунктлар кулланыла. Алар ярдәмендә хайваннарны реестрга кертеп кенә калмыйча, кирәкле ветеринария хезмәтләре һәм документлар алырга мөмкин.
Әлегә этләрен теркәмәгән татарстанлыларга бу чараның хайваннарның сәламәтлеген контрольдә тоту өчен генә түгел, авырулар таралу куркынычын булдырмау өчен дә мөһим булуын искәртәләр.
Этләрне теркәү яки кызыксындырган сорауларны бирү өчен якындагы ветеринария учреждениесенә мөрәҗәгатьитәргә була. Аларның исемлеген сылтама аша табарга мөмкин.