Быел «Созвездие-Йолдызлык» фестивалендә 60 меңгә якын кеше катнашачак

Ел саен үткәрелә торган «Созвездие-Йолдызлык» эстрада сәнгатен ачык республика телевизион яшьләр фестивале быел 60 меңгә якын катнашучыны бергә җыячак. Татарстан һәм Кырым Республикаларының атказанган сәнгать эшлеклесе, Татарстан Иҗтимагый палатасының мактаулы остазы һәм мәдәният комиссиясе әгъзасы, «Созвездие-Йолдызлык» фестиваленең генераль продюсеры Дмитрий Туманов «Татар-информ» агентлыгында узган матбугат конференциясендә шулай дип белдерде.

«Болар барысы да видеога төшерелә, һәм онлайн-трансляцияләрне караучылар чыны 450-470 меңгә җитә», - дип өстәде Туманов.

Ул шулай ук фестивальнең зона этаплары апрель башына кадәр дәвам итәчәген әйтте. Алга таба 11-16 апрельдә фестивальнең финалы узачак, ә ул 23 апрельдә гала-концерт белән тәмамлана.