Казанда машинасын җәмәгать транспорты юлында калдырган BMW йөртүчесенә җәза бирделәр

Казанда автомобилен җәмәгать транспорты өчен билгеләнгән юлда калдырып киткән машина йөртүчегә җәза бирделәр.

Казан Дәүләт автоинспекциясе хәбәр иткәнчә, юл йөрү кагыйдәсен бозу очрагын социаль челтәрләргә мониторинг үткәргән вакытта ачыклаганнар. BMW автомобиленең 31 яшьлек йөртүчесе машинасын Фучик урамында шундый җайсыз итеп куйган, нәтиҗәдә автобуслар бөкедә утырырга яки үз маршрутларын үзгәртергә мәҗбүр булган.

Машина йөртүчене тиз тапканнар, аңа парковка кагыйдәләрен бозган өчен беркетмә төзегәннәр.