Татарстанда балалар һәм ата-аналар өчен «Буллингка каршы бергәләп» кайнар линиясе узачак

24 февральдә Татарстанда балалар һәм ата-аналар өчен балалар мохитендә агрессия мәсьәләләренә багышланган «Буллингка каршы бергәләп» кайнар линиясе узачак. Белгечләрдән 16:00-18:00 сәгатьләрдә консультация алырга мөмкин, диелә «Бердәм Россия» сайтында.

«Бердәм Россия» партиясе рәисенең төбәк иҗтимагый кабул итү бүлмәсе мәйданчыгындагы кайнар линияне Татарстан Республикасында Бала хокуклары буенча вәкаләтле вәкил Светлана Захарова һәм ТР Дәүләт Советының «Мәрхәмәт-Милосердие» хатын-кыз депутатлар берләшмәсе вәкилләре үткәрәчәк. Акциянең максаты -балалар даирәсендә агрессия белән очрашкан кешеләргә бушлай һәм аноним психологик, мәгълүмати ярдәм күрсәтүне тәэмин итү.

Ата-аналарга буллингның яшерен билгеләрен ничек танырга, бала белән катлаулы хәлләр турында әңгәмә корырга, уку йортлары администрациясе белән үзара хезмәттәшлек итәргә һәм балигъ булмаганнарның мәнфәгатьләрен яклауның хокукый аспектларын исәпкә алырга вәгъдә итәләр. Балалар һәм яшүсмерләр яшьтәшләренең үз-үзләрен агрессив тотышына җавап бирү, шәхси чикләрне саклау һәм үзләрен ышанычлырак тотуга бәйле киңәшләр ала алачак.

Сорауларны 24 февральдә 16:00-18:00 сәгатьләрдә 8 (843) 590-04-05 телефоны буенча бирергә мөмкин. Моннан тыш, мөрәҗәгатьләр мессенджерларда 8 (987) 205-00-63 номеры буенча кабул ителә.