Хезмәт мигрантлары балаларын 18 яшьтән соң Россиядән китәргә мәҗбүр итәчәкләр

РФ Хөкүмәте патент буенча эшләүче чит ил гражданнарының балалары Россиядә яшәү тәртибен үзгәртә торган закон проектын Дәүләт Думасына тапшырды. Документның тексты парламентның электрон базасында урнаштырылган.

Төзәтмәләрне «Чит ил гражданнарының хокукый хәле турында»гы законга кертергә тәкъдим ителә. Проект нигезендә, хезмәт мигрантларының балалары Россиядә аларның ата-анасына эшләргә рөхсәт ителгән вакыт дәвамында гына түгел, ә мигрантның физик затлар кеременә салым буенча фиксацияләнгән аванс түләвен үзе өчен генә түгел, ә һәр бала өчен түләгән очракта гына яши алачак.

Шулай ук документта күрсәтелгәнчә, 18 яшькә җиткәч, мигрантларның балалары 30 көн эчендә йә Россия территориясеннән китәргә яки патент алу өчен гаризаны билгеләнгән вакытта бирергә тиеш булачак.