«Татарстан Геройлары» гала-матчы акчалары махсус операциягә гуманитар ярдәмгә китәчәк
Казанда ТР ветераннары, махсус операция һәм сугыш хәрәкәтләрендә катнашучылар белән берлектә узган «Татарстан Геройлары» хәйрия хоккей гала-матчы тәмамланды. Шунысын да билгеләп үтәргә кирәк, барлык җыелган акчалар хәрби хәрәкәтләр зонасына гуманитар ярдәмгә җибәреләчәк.
Ветераннарның һәм сугыш хәрәкәтләрендә катнашучыларның берсе Булат Җәләлиев турнирны оештыру идеясе турында сөйләде.
«Быел Татарстан ветераннары һәм сугыш хәрәкәтләрендә катнашучылары белән хоккей гала-матчы беренче мәртәбә уздырыла. Мондый дәрәҗәдәге һәм масштабтагы турнирлар ел саен уздырылсын иде. Без Татарстан Республикасы Ветераннар командасына әлеге иптәшләрчә матч үткәрү һәм чираттагы тапкыр хоккей легендалары турында искә төшерү максаты белән мөрәҗәгать иттек. Һәм, әлбәттә, махсус операциядән кайткан һәм хәзер анда булган егетләргә аерым игътибар бирергә теләделәр.
Эшнең зур өлешен үз өсләренә алган: команда тупларга ярдәм иткән һәм тренировка процессын оештыручыларга рәхмәт», – ди Җәләлиев.
«Боевое братство» командасының исеме очраклы гына сайланмаган. Турнирда Әфганстан, Чечня, Сүрия ветераннары да катнаша.
Татарстан Республикасы ветераннары командасы составында Алексей Чупин, Данис Зарипов, Василий Токранов һәм башкалар катнашты.
22 февральдә Казанда «Спорт сараенда» «Татарстан Геройлары» Гала-матчы узды.