Алексеевск – Әлмәт трассасын транспортның барлык төрләре өчен яптылар
Һава торышы начар булу сәбәпле, Алексеевск-Әлмәт түләүле трассасын транспортның барлык төрләре өчен дә яптылар. Бу хакта республика Дәүләт автоинспекциясе хәбәр итә.
«Уңайсыз метеорологик һәм юл шартларына бәйле рәвештә, юл хәрәкәте кагыйдәләрен тәэмин итү максатыннан 16.00 сәгатьтән Алексеевск – Әлмәт автоюлында транспортның барлык төрләре өчен вакытлыча чикләү кертелде», – диелә хәбәрдә.
Чикләү һава шартлары яхшырганчы гамәлдә булачак.