Татарстанлыларны көннәр җылыну сәбәпле, түбәләрдән кар төшү ихтималы турында кисәттеләр
Республикада бина түбәләреннән кар һәм боз кисәкләре төшү куркынычы турында кисәтү игълан ителде. Бу хакта Россия Гадәттән тыш хәлләр министрлыгы хәбәр итә.
Коткаручылар кар төшү ихтималы зур булган иңкү түбәле йортлардан ераграк торырга киңәш итә. Балаларның куркыныч зоналарда булуына юл куймыйча, аларның куркынычсызлыгына аерым игътибар бирергә кирәк.
Ведомствода шулай ук автомобиль хуҗаларын кәрнизләрдә боз сөңгеләре барлыкка килгән яки кар массалары асылынып торган биналар һәм корылмалар янында машиналарын куймаска чакыралар. Моннан тыш, халыкка өлкән яшьтәге һәм авыру кешеләргә игътибарлы булырга, кирәк булганда аларга ярдәм күрсәтергә киңәш итәләр.
«Коммуналь хезмәтләр вазгыятьне контрольгә алырга тиеш!» - диелә Татарстан Республикасы Рәисе Рөстәм Миңнехановның Телеграм-каналында.