Казанда бер сәгать эчендә берьюлы биш торак йортта газ агымы теркәлгән
Казанда бер сәгать эчендә биш күпфатирлы йортта газ агымын теркәгәннәр. ТР торак инспекциясе мәгълүматы буенча, инцидентлар Гарифьянов, Зорге, Тынычлык, Годовиков һәм Восстание урамнарында булган.
Биш йортта вакытлыча газ стояклары сүндерелгән, аларга плитәләр һәм су җылыткычлары тоташтырылган. Газ бары тик җиһазларны ремонтлаганнан һәм тикшергәннән соң гына кайтарылачак.
Күзәтчелек органнары идарәче компанияләрнең һәм газ хезмәтләренең гамәлләрен тикшерә. Восстание урамындагы 17 нче йортка аерым игътибар бирелә, анда газ җиһазларына техник хезмәт күрсәтү ай ярым элек кенә башкарылган.