Кол Шәриф мәчете 19-20 мартта туристлар өчен ябык булачак
Ураза бәйрәме алдыннан Кол Шәриф мәчетен туристлар өчен вакытлыча ябачаклар, дип хәбәр итә Татарстан башкаласы мэриясенең матбугат үзәге. Чикләүләр 19 мартта 18:00 сәгатьтән үз көченә керә һәм 20 мартта 9:00 сәгатькә кадәр гамәлдә була.
Рамазан аеның тәмамлануын бәйрәм итү 6:30 сәгатьтә Коръән аятьләрен укудан башлана, 7:00 сәгатьтә гает вәгазе һәм 7:30 сәгатьтә гает намазы белән дәвам итә.