Россиядә спортчыларның электрон паспортларын 2028 елга кертергә планлаштыралар
Россиядә 2028 елга спортчыларның электрон паспортларын кертү планлаштырыла. Бу хакта ТАСС хәбәр итә.
Яңа система спорт әзерлегенең нәтиҗәлелеген күтәрергә һәм атлетларның сәламәтлек торышын яхшырак контрольдә тотарга мөмкинлек бирер дип көтелә.
Билгеләп үтелгәнчә, күнегүләр һәм ярышлар шартларында организмның эшчәнлеге турында фәнни белемнәрне үстерү перспективалы спортчыларны сайлап алу һәм үстерү өчен өстәмә мөмкинлекләр ача. Шуңа бәйле рәвештә тармакны цифрлаштыру аеруча зур әһәмияткә ия.
Электрон паспортлар «Спорт» дәүләт мәгълүмат системасы кысаларында формалаштырылачак, ул физик культура һәм спорт өлкәсендәге мәгълүматларны бердәм цифрлы платформага берләштерәчәк.