Истанбулда ике азкатлы бина җимерелеп төшкән
Төркиянең Истанбул шәһәрендәге Фатих районында азкатлы ике бина җимерелеп төшкән. Бу хакта ТАСС хәбәр итә.
TRT телеканалы мәгълүматлары буенча, коткаручылар җимереклекләр астыннан инде биш кешене чыгара алган. Тагын бер кешене эзләү дәвам итә. Зыян күрүчеләр хастаханәләргә китерелгән.
Истанбул губернаторы офисында хәбәр итүләренчә, җимерелү вакытында йортларда биш кеше булган. Әмма белгечләр җимереклекләр астында кешеләр калырга мөмкинлеген кире какмый һәм территорияне тикшерүне дәвам итә.
Инцидент Айвансарай кварталында булган, анда иске төзелешләр өстенлек итә.