Татарстан башкаласында чираттагы температура рекорды яңартылды
Бүген, 23 мартта, Казанда 19 ел элек булган температура рекорды яңартылды. Бу хакта ТР Гидрометеорология үзәге хәбәр итә.
«Казан» метеостанциясендә термометр баганалары +10,0 градуска кадәр күтәрелде.
23 март өчен ТР башкаласында һава температурасының алдагы абсолют максимумнары 2014 елда «Казан» метеостанциясендә, 2007 елда «Казан-Сокол» авиация метеостанциясендә теркәлгән. Ул вакытта алар +9,2 һәм +10,0 градус тәшкил иткән.
10, 13, 14, 15, 16, 17 һәм 18 март көннәрендә дә Казанда температура рекордлары яңартылган иде.