World News in Tatar

Россия экспорт үзәге Татарстан Республикасында вәкиллеген ачты. Россия экспорт үзәге генераль директоры Вероника Никишина Казанда Татарстан Рәисе Рөстәм Миңнеханов белән очрашуда шулай дип белдерде. Бу хакта ТР Икътисад министрлыгы матбугат хезмәте хәбәр итә.

Татарстан Республикасы Җир һәм милек мөнәсәбәтләре министрлыгы коллегиясенең киңәйтелгән утырышында министр Фәнил Әһлиуллин ятим балаларны торак белән тәэмин итүнең барышы турында доклад ясады. Бу хакта ведомствоның матбугат хезмәте хәбәр итә.

Россия һәм Татарстанның Композиторлар берлеге әгъзасы, ТР Фәннәр академиясенең Татар энциклопедиясе һәм төбәкне өйрәнү институты директоры Эльмира Галимова «Татар-информ» агентлыгы хәбәрчесенә композитор Азат Хөсәенов турында истәлекләре белән уртаклашты.

Татарстанда күп функцияле үзәкләр эшенә ясалма фәһем технологияләрен интеграцияләү буенча биш елга исәпләнгән комплекслы программа әзерләнә. ТР дәүләт идарәсен цифрлы нигездә үстерү, мәгълүмати технологияләр һәм элемтә министры Алексей Начвин республика күп функцияле үзәкләре коллегиясендә шулай дип белдерде.

Татарстанда аерым белгечлек табибларына ихтыяҗ зур. Татарстан сәламәтлек саклау министры Альмир Абашев коллегия утырышында шул хакта хәбәр итте.

Татарстанда күп функцияле үзәкләр башкара торган эшнең 76 проценты электрон форматка күчерелгән. Татарстан Республикасы күп функцияле үзәге дәүләт бюджет учреждениесе директоры Ленара Мозаффарова коллегиядә шулай дип белдерде.

Татарстан Республикасы Дәүләт гербы көне алдыннан «Бердәм Россия Яшь гвардиясе»нең Казан җирле бүлекчәсе активистлары партия ярдәме белән Бауман урамында бәйрәм акциясе уздырды. Бу хакта «Бердәм Россия Яшь Гвардиясе»нең төбәк бүлеге матбугат хезмәте хәбәр итә.

Татарстанның «СТК Калагия» фирмасы җитәкчесе 19 миллион сум күләмендә салым түләмәүдә гаепләнә.

Татарстан мәктәпләрендә укучылар Бердәм Россия Яшь Гвардиясенең «Солдатка хат» акциясендә катнашты һәм махсус хәрби операциядә катнашучыларга ике меңнән артык хат җибәрде. Алар 9 февральдә «Бердәм Россия»нең төбәк бүлегеннән гуманитар йөк составында фронтка китәчәк.

Бүген Казанның «Тулпар» спорт сараенда 2012-2013 елларда туган яшүсмерләр арасында «Сабантуй» журналы призларына көрәш буенча Татарстан Республикасы беренчелеге башланды.

Тукай абый музее

Шәһәребез уртасында

Тукай абый музее.

Анда килеп керүгә

Басып торадыр үзе.

Тукай абый кәләпүше

Музейның иң түрендә.

Килгән саен карап китәм,

Җылы өсти күңелгә.

Кара савытын кадерләп

Саклыйлар икән монда.

Шкафтагы тартмачык та

Тора бит үз урынында.

И дусларым, бу музейда

Бик күп нәрсә белерсез.

Тукай абый ядкярләрен

Сез биредә күрерсез.

Шакирова Зилә Илнар кызы, 2023 ел. Читать дальше...

Бүген ТР Рәисе Рөстәм Миңнеханов Казан Кремлендә күренекле галимнәргә фән һәм техника өлкәсендә Татарстан Республикасы дәүләт бүләкләрен һәм премияләрен тапшырды. Бүләкләү тантанасы Россия фәне көне алдыннан узды.

«Химград» технополисына 20 ел эчендә күрсәтелгән дәүләт ярдәменең күләме 2,5 миллиард сум тәшкил иткән. «Химград» АҖ генераль директорының беренче урынбасары Алексей Грушин «Татар-информ» агентлыгы хәбәрчесенең соравына җавап биреп, шундый санны атады.

«Сугышчан роботлар лигасы» ярышларында барлык өч призлы урынны да Татарстан Республикасы командалары яулады. Татарстан Республикасы Дәүләт идарәсен цифрлы нигездә үстерү, мәгълүмати технологияләр һәм элемтә министрлыгында шул хакта хәбәр иттеләр.

Бүген Татарстан Сәламәтлек саклау министрлыгының коллегия утырышында Татарстан Рәисе Рөстәм Миңнеханов табибларны җәлеп итүдә начар эшләүче районнарны атады.

Татарстан - цифрлаштыру, пространство белешмәләре инфраструктурасын үстерү, җир-милек мөнәсәбәтләре өлкәсендә лидер. Дәүләт теркәве, кадастр һәм картография федераль хезмәте җитәкчесе Олег Скуфинский ТР Җир һәм мөлкәт мөнәсәбәтләре министрлыгы коллегиясендәге видеомөрәҗәгатендә шулай дип белдерде.

Татарстан Рәисе Рөстәм Миңнеханов әйтүенчә, сәламәтлек саклау тармагында иң зур проблема матди-техник база түгел, ә кадрларга кытлык. Татарстан Сәламәтлек саклау министрлыгының коллегия утырышында ул шулай дип белдерде.

2025 елда Казанда «Химград» технополисы резидентларының кереме 20 процентка, ягъни 115,7 миллиард сумга кадәр арткан. Технополис генераль директорының беренче урынбасары Алексей Грушин Татарстанда федераль программаларны гамәлгә ашыру мәсьәләләре буенча эшлекле төркем утырышыннан соң «Татар-информ» агентлыгы хәбәрчесенең соравына җавап биреп, шулай дип белдерде.

Татар җәмәгатьчелеге танылган композитор, Татарстанның атказанган сәнгать эшлеклесе Азат Хөсәеновны соңгы юлга озатты.

Файдаланылмый торган күчемсез милек объектларын хуҗалык әйләнешенә кертү проблемасы инде ничә еллар Татарстанда актуальлеген югалтмый. ТР җир һәм милек мөнәсәбәтләре министры Фәнил Әһлиуллин ведомствоның йомгаклау коллегиясендә шулай дип белдерде.

Татарстан Рәисенең «Алдынгылар хәрәкәте» беренчел бүлекләре өчен грантлар конкурсы тәмамланды. Гомуми фонд 30 миллион сум тәшкил итте. ТР лидеры ярдәмчесе, Татарстанда «Алдынгылар хәрәкәте» җитәкчесе Тимур Сөләйманов «Татар-информ» агентлыгында узган матбугат конференциясендә шул хакта хәбәр итте.

Диспансеризация барышында һәр дүртенче очракта колоректаль рак (юан һәм туры эчәк рагы) ачыклана, аның 76 проценттан артыгы – башлангыч стадиядә. Бу хакта Татарстан Сәламәтлек саклау министрлыгының коллегия утырышында билгеле булды.

Татарстан Согуд Гарәбстанында беренче тапкыр узачак «ИННОПРОМ» халыкара сәнәгать күргәзмәсендә коллектив стенд оештыра. Бу хакта ТР Сәнәгать һәм сәүдә министрлыгы матбугат хезмәте хәбәр итә.

Быел Татарстанда йөрәккә аритмологик операцияләрне 13 процентка арттырырга җыеналар. Бу хакта Татарстанның сәламәтлек саклау министры Альмир Абашев бу минутларда йомгаклау коллегиясе утырышында әйтте.

Ульяновск шәһәренең 17 нче милли китапханәсендә Сембер шагыйре, «Өмет» газетасы редакциясенең фронтовик-шагыйрь С.Урайский исемендәге әдәби премиясе лауреаты, дүрт китап авторы Флорис Галимьяновның иҗат кичәсе уза. Әдәби кичә өлкәнең олпат шагыйре Флорис аганың 80 яшьлек юбилеена һәм «Җырларымны сиңа багышладым» исемле яңа китабын укучыларга тәкъдим итүгә багышланган, дип хәбәр итә «Өмет» газетасы телеграм-каналы.