Наманганда қарийб 2 килограмм гашиш сотмоқчи бўлган аёл ушланди
ДХХ ва ИИО ходимлари томонидан ўтказилган яна бир тезкор тадбир давомида Янги Наманган туманида яшовчи, 1990 йилда туғилган ва аввал судланган аёл қўлга олинди.
Аниқланишича, у шахсдан 200 миллион сўм эвазига сотиб олишга келишилган, 1 килограмм 953 грамм «гашиш» моддасини матолар орасида яширган ҳолда, Марғилондан йўловчи автомашинасида қабул қилаётган пайтда ушланган.
Мазкур ҳолат юзасидан аёлга нисбатан Ўзбекистон Жиноят кодексининг 25 ва 273-моддаси 5-қисми бўйича жиноят иши қўзғатилган бўлиб, ҳозирда тергов ҳаракатлари давом эттирилмоқда.