Нима сабабдан Жасур Умиров наманганликлардан узр сўрамоқда?

Ижтимоий тармоқларда хонанда Жасур Умировнинг жонли эфир давомида билдирган айрим фикрлари кенг муҳокамаларга сабаб бўлди. Хусусан, унинг турмуш ўртоғи ва наманганликлар ҳақидаги гаплари турли муносабатларга йўл очган эди.

Мазкур ҳолат юзасидан санъаткор жамоатчиликка мурожаат қилиб, узр сўради. У жонли эфир пайтида оилавий муносабатларда юзага келган кичик келишмовчилик сабаб жаҳл устида гапириб юборганини таъкидлади. Хонанданинг айтишича, бу фикрлар унинг асл қарашларини ифодаламайди.

Жасур Умиров барча вилоятлар аҳолиси, хусусан, наманганликларни ҳурмат қилишини билдириб, халқ учун хизмат қилишни ўзининг асосий вазифаси деб билишини қайд этди. У келгусида бундай ҳолатлар такрорланмаслиги учун эҳтиёткор бўлишга ҳаракат қилишини ҳам қўшимча қилган.