Ўзбекистонда олтин қуймалари арзонлади
2 февраль ҳолатига кўра, Ўзбекистон Республикаси Марказий банки олтин қуймалари нархлари кескин тушганини кўрсатмоқда: 5 граммли қуйма 9 867 000 сўмгача арзонлаган.
Марказий банк саҳифасидаги янгиланган нархлар рўйхати қуйидагича:
- 5 грамм — 9 867 000 сўм
- 10 грамм — 19 735 000 сўм
- 20 грамм — 39 469 000 сўм
- 50 грамм — 98 674 000 сўм
- 100 грамм — 197 347 000 сўм
Шу билан бирга, 1 грамм олтин 1 973 400 сўмга баҳоланган.
Нега бундай тушди?
Бунда ташқи бозор таъсири ҳам кучли. Халқаро майдонда олтин ва кумуш нархлари кескин қулагани, бу жараёнда Доналд Трампнинг АҚШ Федерал захира тизими раҳбарлиги учун Кевин Уоршни номзод сифатида кўрсатиши ортидан бозорда “қаттиқроқ пул сиёсати” кутилмалари ва доллар мустаҳкамланиши омил бўлгани айтилмоқда. Шунингдек, CME Group маржа талабларини оширгани ҳам савдоларда мажбурий сотувларни кучайтирган.
Қисқаси, “дам олиш кунларида” олтин бир оз “шок” режимига кириб олди. Кимдир учун бу — арзонроқ харид имкони, кимдир учун — бозор қанчалик тез ўзгаришини эслатадиган сигнал.