Хонанда Манзура Чимкентга кўчиши ва куёви ундан 20 ёш кичиклиги ростми?

Хонанда Манзура турмушга чиқаётгани ҳақидаги хабарлар ортидан “Yashin TV”га интервью бериб, энг асосий гапни очиқ айтди: “Бу пиар эмас”. Унинг таъкидлашича, атрофда “турмушга чиққан”, “ажрашган” деган гап-сўзлар кўпайгани учун мухлисларга ҳақиқатни ўзи билдирган.

Манзуранинг айтишича, бўлажак жуфти билан танишув Чимкент сафарида бўлган. У бу инсонни бир ой аввал умуман танимаган: Чимкентдаги таниқли санъаткор Адҳамбек Йўлдошев билан дуэт режаси чиққач, таклиф билан у ерга борган ва шу ерда бўлажак турмуш ўртоғи билан учрашган. Энг кўп муҳокама қилинган жиҳат — ёш фарқи. Манзура очиқ тасдиқлади: бўлажак куёви ундан 20 ёш кичик. Аввалига у бундай қарорга келиш қийин бўлганини ҳам яширмади, аммо кейин йигитнинг фикрлаши ва муносабати ёшига нисбатан анча етук эканини айтди.

Танловига таъсир қилган асосий омиллардан бири — бўлажак жуфтнинг холис фикрлаши ва аёлларга ҳурмат билан муомала қилиши. Манзура унинг онаси, опа-сингиллари ва яқинларига меҳрибон муносабатини кўриб, шу сифатлар қарорда катта ўрин тутганини билдирди. Шунингдек, у авлод томондан ҳам уйғунлик борлигини алоҳида таъкидлади. Тўйдан кейин Манзура Чимкентга кўчиб кетишини айтди. Энг муҳими, бўлажак турмуш ўртоғи уни ижоддан тўхтатмаслигини билдирган: “борлигингча қабул қиламан”, деган. Манзура керак бўлса, кейин ҳам Тошкентга келиб съёмка ва хизматларни ўтказиб туришини айтди.

Ижтимоий тармоқлардаги “алфонс” деган гапларга эса у кескин жавоб қайтарди: бўлажак турмуш ўртоғи оиласини боқа оладиган, иш-ҳунари бор инсон эканини таъкидлади. Суҳбат охирида Манзура “ҳақиқий бахт — оила” эканини айтиб, яхши хулқли жуфт инсон учун энг катта бойлик, деган фикрни қайд этди.