Феруза Жуманиёзовадан “Али бобо ва қирқ қароқчи” фильмидаги Маржона образи

Машҳур хонанда Феруза Жуманиёзова яна бир бор ижодий изланишда эканини намоён этди. У “Али бобо ва қирқ қароқчи” номли лойиҳада Маржона образини гавдалантирди.

Хонанданинг ушбу роли ижтимоий тармоқларда катта қизиқиш уйғотди. У саҳналардан бир қисмини ўзининг расмий саҳифасига жойлаштирди ва бу мухлислар орасида ижобий фикрлар, ҳайрат ва олқишлар билан кутиб олинди.

Видеода Ферузанинг образга чуқур киргани, мимика ва пластикасидаги ўзгаришлар, актёрлик маҳорати кўпчилик томонидан эътироф этилди. Кўплаб изоҳларда мухлислар унинг бу йўналишда ҳам фаол бўлишини исташларини билдирганлар.

Бу эса хонанданинг нафақат мусиқада, балки экранда ҳам ўзига хос қиёфа яратишга қодир ижодкор эканини яна бир бор кўрсатди.

Феруза Жуманиёзова учун бу каби актёрлик тажрибалари — санъатнинг янги қирраларини очишга хизмат қилмоқда.