БАА президенти мамлакат уруш ҳолатида эканини маълум қилди
Бирлашган Араб Амирликлари президенти Муҳаммад бин Зайд Ал Наҳаён мамлакат ҳозирда уруш ҳолатида эканини расман эълон қилди. Давлат раҳбари Эрон ҳужумларидан зарар кўрган ҳудудларга ташрифи чоғида берган интервьюсида ўз халқига мурожаат қилиб, ватан ҳимояси энг устувор вазифа эканини қайд этди. Унинг сўзларига кўра, амирликлар ўз яқинлари ва ҳудудларини ҳар қандай ташқи таҳдидлардан ҳимоя қилишга мажбур.
Президент ўз нутқида БАА фуқаролари ўз бурчини муносиб адо этаётганини алоҳида таъкидлади. Шунингдек, мамлакатда истиқомат қилаётган хорижликлар ҳам давлат ҳимоясида эканлиги, улар ҳам меҳмон, ҳам яқинлар сифатида қабул қилиниши айтилди. Муҳаммад бин Зайд Ал Наҳаён БААнинг мудофаа салоҳияти ҳақида гапирар экан, мамлакат осон ўлжа эмаслигини, душманлар буни англаб етиши кераклигини қатъий оҳангда билдирди.
Яқин Шарқдаги вазиятнинг кескинлашуви ортидан БАА ҳудудлари мунтазам равишда Эрон томонидан ўққа тутилмоқда. Хусусан, 2024 йил 7 март куни Дубай халқаро аэропорти яқинига дрон қулаши кузатилган эди. Ушбу воқеалар минтақадаги хавфсизлик масаласини янада долзарб қилиб қўймоқда. Расмий Абу Даби ўз ҳудудий яхлитлигини сақлаб қолиш учун барча зарур чораларни кўришини маълум қилган.