Кубада ҳукуматга қарши оммавий норозиликлар кучаймоқда
АҚШ томонидан қўлланилган уч ойлик нефть блокадаси натижасида Куба гуманитар фалокат чегарасига етди. Электр таъминотидаги узилишлар суткасига 15 соатгача давом этмоқда, иш жараёнлари издан чиқди ва озиқ-овқат танқислиги кескин сезилмоқда.
Бунга норози бўлган намойишчилар мамлакатнинг бир неча ҳудудларида ҳукмрон Коммунистик партия бўлимларини вайрон қилган. Куба президенти Мигел Диас-Канел фуқароларнинг норозилигини тушунганини билдирган, аммо вандализмга тоқат қилмаслигини таъкидлаган.
Энергетик инқироз Гаванани Вашингтон билан музокаралар бошлашга мажбур қилди. АҚШ ва Куба ўртасида мулоқот йўлга қўйилганини икки томон ҳам тасдиқлаган. Куба президенти эҳтимолий вориси сифатида Раул Кастронинг набираси Раул Гилермо Родригес Кастро ҳам музокараларда иштирок этмоқда.
Аввалроқ, Доналд Трамп АҚШ билан ҳамкорлик қилмаса, куч ишлатиш эҳтимолини истисно қилмаганди.