«Мерседес» бүләк итәчәк» – Римма Никитинаның «Ахмат – сила» җырына клибы чыккан

Римма Никитина, Чечня халкын Грозный көне белән һәм Чечня Республикасы башлыгы Рамзан Кадыйровны туган көне белән котлап, «Ахмат – сила» дип аталган җыр чыгаруы турында язган идек. Инде әлеге җырга клип та дөнья күргән. Клипны Римма Никитина Грозный шәһәренең иң матур, истәлекле урыннарында төшергән.

  • Римма Никитина «Ахмат – сила» җырын яздырган: «Рамзан идет, За Рамзаном – чеченский народ»

Җырга матур кайтавазлар да килә. «Молодец, Римма! Бик матур… Алга таба да, бернигә карамыйча, бары алга, атла! Уңышлар сиңа»;

«Җанга үтә торган, матур җыр»;

«Бик матур клип, үзең дә чибәрсең», – дип яза видеоны караучылар.

Усал телле берәү: «Ахмат аңа «Мерседес» бүләк итәчәк» , – дип тә язып калдырган.

Сүз уңаеннан, Риммага җыр хөрмәтенә машина бүләк итәчәкләре турында имеш-мимешләр артист җырны яздыруга ук таралган иде. Римма Никитина үзе дә бу турыда: «Нәрсә генә язмыйлар миңа. Имеш, Рамзан Кадыров миңа машина, фатир алып биргән икән. «Мерседес» бирдеме икән, «Приорамы?» – дип сөйләшәләр, ни генә юк ул комментарийлар арасында. Кешенең фантазиясенә шаккатам. Ул комментарийларны укыйм, көләм дә үз юлым белән алга таба баруымны дәвам итәм», – дип сөйләде.

Римма Никитинаның «Безнең Татарстан» дигән җыры да бар. Күптән түгел Россия турында да җыр яздырды.

Читайте на 123ru.net