Депутат колониядән махсус операциягә китүчеләрне контрольгә алу турында закон тәкъдим итә

Дәүләт Думасының гаиләне саклау, ата-ана, балалар мәсьәләләре буенча комитеты рәисе Нина Останина махсус операциядән кайтучыларны контрольгә алу турында закон проекты тәкъдим итә. Бу хакта ул «Газета.Ру»га хәбәр иткән.

Күптән түгел Кемерово өлкәсендә махсус операциядән кайткан 49 яшьлек Быков 12 яшьлек кызны үтерде. Ул колониядә булган, шуннан махсус операциягә китә һәм кире кайта. Кызны ташландык йортның коесында табалар. Үтерүдә шикләнелгән кеше 6 тапкыр хөкем ителгән, соңгы тапкырында ул пенсионерканы үтергән (чишендергән һәм буып үтергән) өчен 13,5 елга хөкем ителгән булган. Mash Siberia, хәбәр итүенчә, бу үтерү дә шундый ук булган – ир мәктәптән кайтып барган кызны тотып ала, агачка бәйләп куя һәм чишендерә, кызның киеме белән аны буып үтерә. Икенче көнне кире килә, мәетенә шампурлар кадый һәм коега ата.

Нина Останина мондый хәлләр тагын да булырга мөмкин, чөнки бу кешеләр җәмгыятьтә яшәр өчен җайлашмаган дигән фикердә һәм хокук органнары андый кешеләрдән җәмгыятьне сакларга тиеш дигән фикердә.

«Моный җинаятьләр тагын да күбрәк булачак. Ирегеннән мәхрүм ителгән кешеләрне махсус операциягә җәлеп итү аларның кайтуына китерәчәк. Билгеле, алар элек булган урыннарына түгел, җәмгыятькә кайта. Һәм менә аларның кайту чоры кыскара. Кемдер ярты срогын утырган, кемдер өчтән берен, ә махсус операция – тиешле срогыннан алдан кайтуга нигез. Әмма безнең хокук саклау органнарын бу ул кешеләргә социализацияләргә ярдәм итүдән туктарга нигез түгел – мин йомшартып әйтәм, чынлыкта бу кешеләрне җәмгыятьне саклау турында сүз бара», – дигән ул.

Останина фикеренчә, фронттан кайткан кешеләр хокук саклау органнары белән даими контактта булырга тиеш, алар хәрбиләргә эшкә урнашуга ярдәм итәргә тиеш.

«Алар теплица шартларында булмаганнар – бер яктан колония, икенче яктан тагын да кырысрак махсус операция шартлары. Элек ул кешеләр үзләре гаепле, җинаятьче хис иткән, хәзер алар герой. Һәм менә шушы герой дип хис итү ул кешеләр җәмгыятькә кайтканда тәэсир итәчәк. Шуңа күрә, элек ирегеннән мәхрүм ителеп, хәзер махсус операция зонасында булган кешеләрне контрольгә алудан хокук саклау органнарын азат итәргә ярамый. Даими контроль булырга тиеш. Бу эшкә урнашуда ярдәм булырга тиеш, шулай ук атналык, айлык контактта торырга тиешләр. Бу конкрет очрак буенча кабат мөрәҗәгать итәчәкмен», – дигән ул.

Останина фикеренчә, закон проекты якын арада булачак, депутатлар ашыгачак.

«Без балаларның хокукларын сакларга тиеш», – дигән депутат.