4 майга һава торышы һәм ай календаре

4 майда Татарстанда аязучан-болытлы һава торышы була. Төнлә урыны белән кар һәм җепшек кар явачак. Көндез явым-төшемнәр көтелми. Төньяк-көнбатыштан төнлә 15-20 метрга кадәр көчле җил, көндез 15 метрга кадәр көчле җил. Төнлә һәм иртән һава температурасы 0..-5˚, көндез +3..+8˚ градус. Төнлә һәм иртән юлларда урыны белән бозлавык була.

Кимүче ай, ай кучкар йолдызлыгында.

Туфракны сукаларга, йомшартырга була. Яшелчәләрне сугару, тамырларына һәм яфракларына ашламалар сибү өчен уңай көн. Җимеш бирә торган агач-куакларны, бакча җиләген ашларга була.