21 майга һава торышы һәм ай календаре

21 майда Татарстанда алмашынучан-болытлы һава торышы була. Төнлә явым-төшемнәрсез. Көндез һәм кич кыска вакытлы яңгыр, яшенле яңгыр, урыны белән боз явачак. Көньяк-көнбатыштан, төньяк-көнбатыштан төнлә 4-9, көндез 7-12, урыны белән 15-20 метрга кадәр көчле җил. Төнлә һава температурасы +2..+7, көнбатыш районнарда +10., көндез +20..+25 градус.

Үсүче ай, ай Чаян йолдызлыгында.

Язын бу вакытта агач-куакларның ботакларын кисәргә ярамый. Кабак, кабачки һәм кыяр орлыкларын суда бүрттереп чәчәргә була. Бүлмә гөлләрен күчереп утыртырга була.