Айдар Тимербаев тоткан балыкларын, үбеп, кабат суга җибәрә

Татарстанның атказанган артисты, танылган композитор, автор-башкаручы Айдар Тимербаевның Саба районы Татар Икшермәсе авылында ясалма күле бар. Саба якларына мотоциклда йөрергә кайткан җырчы Рифат Зариповны ул үз күленә балык тотарга да алып барган.

«Сөбханаллаһ, машаллаһ. Кара нинди зеркальный карп. Әйдә, Айдар абый, җибәр инде. Иң беренче хуҗасына килеп капты. Әйдә, бар, йөз», – ди Рифат Зарипов.

«Җибәрәм, җибәрәм», – дип тизрәк ычкындырырга тырыша Айдар Тимербаев, аннары балыкны үбеп ала да кире күлгә җибәрә.