Пажары на Гродзеншчыне: у Слонімскім раёне гарэла хата і гаспадарчая пабудова
За апошнія суткі ў Гродзенскай вобласці здарыліся тры пажары, адзін чалавек выратаваны, дзевяць эвакуіраваны, паведамляе МНС
Пасля пажару ў хаце ў Савічах
17 чэрвеня ў 17.09 выратавальнікам паступіла паведамленне пра пажар у хаце, якая выкарыстоўваецца як лецішча ў вёсцы Савічы Слонімскага раёна, і гаспадарчай пабудовы на падворку. У выніку ўзгарання пашкоджаны дахі і сцены будынкаў.
Пажар у цэху паўфабрыкатаў у Навагрудку
Раніцай 17 чэрвеня на вуліцы Міцкевіча ў Навагрудку адбыўся пажар на ўчастку па вырабу замарожаных паўфабрыкатаў. У выніку пажару пашкоджана фрыцюрніца і закурадымлены сцены ў будынку. Людзі не пацярпелі.
Тушаць пажар у Гродне
Вечарам 17 чэрвеня на Індурскай шашы ў Гродне гарэла трохпакаёвая кватэра на першым паверсе шматпавярховіка. У выніку ўзгарання на кухні пашкоджана кухонная мэбля, закурадымлены сцены і столь у кватэры. Работнікі МНС з прымяненнем маскі для дыхання выратавалі мужчыну з кватэры на паверх вышэй. Таксама з пад’езда былі эвакуіраваны 9 чалавек. Пацярпелых няма.
Пасля пажару ў кватэры ў Гродне
Прычыны пажараў высвятляюцца.
Фота МНС