Кизоти сафари-паркс сашендыхть 13 тёжятть ломатть (мокша)

Тифт итокт «Пространство будущего» проекттнень пялькстомаснонды, кона ётафтфоль региононь вииямань-касфнемань Шиста. Сяськикс Волго-Камскяй макрорегионтть келес арась «Сафари-парк «Кречет» Мордовиянь туристическяй проектсь. Вайгяльснон инксонза максозь колмогемонь сисем тёжяньда лама ломань.
21-це майста сявомок региононь проекттне няфтьфтольхть «Россия» выставкаса. Содафтомс туризмать, инфраструктурать, од ломаттнень пуромксснон мархта ульсь кода достижения.рф сайтса. Сембоц проекттнень инкста максфоль фкя пяле мархта миллион вайгяль.
ВДНХ-са очнай презентацияса «Россия» выставкаса-форумса «Туристический проект» номинацияса няфтьфоль «Кречет» Сафари-парксь. Няфтемаса лездсь «VARMA» этно-арт-театрась.
Лятфтасаськ, сафари-парксь панжевсь 2022-це кизоня. Проектсь шарфтф Мордовияса экотуризмать виияманцты. 500 гектаронь вастса эряйхть 350 лама жувата. Кизоти сафари-паркс сашендыхть 13 тёжятть ломатть.