У Гродне таксіст-бяспраўнік стукнуўся ў асвятляльную апору — пасажыр шпіталізаваны

20 ліпеня ў 02.30 на скрыжаванні вуліцы Кабяка з праспектам Янкі Купалы ў Гродне адбылося ДТЗ, у якім быў траўмаваны пасажыр таксі, паведамляе абласная ДАІ

Устанавілі, што 21-гадовы кіроўца легкавіка-таксі «Фольксваген» рухаўся з боку Паўднёвай вуліцы і паварочваў налева на вуліцу Кабяка. Падчас манеўру ён не справіўся з кіраваннем і наехаў на асвятляльную апору.

У выніку аварыі 21-гадовы пасажыр атрымаў пералом ключыцы, удар хрыбетніка і быў шпіталізаваны ў бальніцу. Ад больш сур’ёзных траўмаў яго выратаваў пас бяспекі.

Кіроўца таксі ніколі не атрымліваў пасведчання кіроўцы, а ў машыне, акрамя яго, знаходзіліся яшчэ пяць пасажыраў, адзначаецца ў паведамленні.

Фота ДАІ