Моли Байконуров (эрзя)

Саранонь школасо тонавтницясь эсь сельмсэ космосов ракетань кучоманть неемга моли Байконуров. 11-це номер школань тонавтницясь Эмилия Мясникова совась «Космосонь Васенцетнень экспедиция» весе Россиянь теварсевксэнь изницятнень юткс. Весемезэ космодромсо содавтовить 89 эйкакшт Россиянь весе регионтнэстэ. Космонавтикань чистэ Васенцетнень вейсэнь молемась «Роскосмос» Госкорпорациянть марто вейсэ нолдызе те теварсевксэнть. Алтави сон Юрий Гагаринэнь космосов ливтямонь 63 иетненень ды содавтсы од ломантнень Россиянь наукасо топавкстнэнь марто. Пелькстыцятненень эрявсь анокстамс космосонь шукшонь таштавксонзо стакачинь витнемга ды Модамасторонь идемга проект ды шкинемань топавтома.