Рузаевкаса тиемань-петнемань тевда меле панжевсь «Революция чтения» идень центральнай библиотекась (мокша)

Рузаевкаса тиемань-петнемань тевда меле панжевсь «Революция чтения» идень центральнай библиотекась. Одкстоптомань тефне удаласть «Культура» национальнай проекть лезксонц вельде.
Библиотекаса тяни покодихть колма зонат:
«ВоКруг чтения» залсь, коса пара мяльса ули кода корхнемс и лувомс книгат.
«ЗнаниУм» интеллект-зал шабатненди и од ломаттненди лаборатория и ранакиге ёжень касфтомань школа мархта.
«ПроГород» краеведениянь зал, кона лемдевсь Рузаевкать историянцты.
«Минь районцонк одксоптовсть ниле библиотекат. Идень центральнай библиотекась инь сиретнень эзда фкясь. Сон панжевсь 1937 кизоня. Сонь лувиенза – тячиень шабатнень тядясна-алясна, бабасна-атясна. А тячи сон арась бта од», — китькстазе Рузаевкань аймаконь оцюнясь Александр Юткин.