Анокстави од невтема (эрзя)

Умарьковонь 1-це чистэ Мордовиянь республикань С.Д. Эрьзя лемсэ изобразительной искусствань музеень прявт кудосо ушодови «Вейсэнь ундокст» Регионъютконь невтемань теварсевксэсь. Эсест важодевксэст невтьссызь Россиянь ды омбо масторонь артыцятне. Мордовиянь эрицятне ды инжетне несызь живописень, графикань, вишка пластикань ды декоративно-прикладной искусствань 60 ламо произведениятнень. Теварсевксэс кочказельть зярыя прявт темат: «Под знаком солнца», «Птицы-кони», «Лес», «Ближе к корням», «Свеча предков». Невтемась анокставсь нолдыцянть-печатыцянть Константин Шапкаринэнь кирдеманзо вельде. Поладови умарьковонь 26-це чис.