«Лездак ават туртов тонавтнеме» (эрзя)

Н.П. Огарёв лемсэ МГУ-нь Медицинань институтонь тонавтницясь Наталья Оточина изнясь Россиянь Минобрнаукантень кандовиця вузтнэнь «Лездак ават туртов тонавтнеме» весе Россиянь пелькстамосо. Сонзэ теварсевксэнь топавтомас, кона лезды теемс ды анокстамс вузсо авань ды эйкакшонь туртов нупаль, эйкакштнень нурька шкань перть аштемань кужо, явови 2 миллионс 400 тёжат целковойс субсидия. Тонавтницянь кудораськетненень те покштояк покш лезэ: сыненст седе шожда карми явомс шка тонавтомантень ды кудоютконь тевтненень.
«2024-це иень панжиковсто мон ульнинь «Монь Мордовиям» экспертэнь клубонь «Наставничества» тонавтомань программасо, ды монь превспутыцям ульнесь од ломанень политикань коряс проректорось Александр Астафьев», — ёвтни Наталья Оточина.
Кода содави, 2024-це иесь — Кудораськень ие, секскак теварсевксэнь мелесь чачсь малав сеске. Авань ды эйкакшонь нупалень ды эйкакштнень нурька шкас аштемань кужонь панжомась арсеви 2024-це иень ацамковсто. Седе тов арсеви келейгавтомс теварсевксэнть: лездамс аволь ансяк тонавтницятненень, но весе эйкакш марто од тонавтыцятненень. Ули келейгавтозь невтема седе, кода теемс аватнень ды эйдетнень туртов аштеманть парокс.
«Минь тейтяно тарка, косо эйкакштнень иетнень эйстэ аштезь карми ютавтовомо трямоськак. Мельс саезь, што тонавтницятнень эйстэ ламотне тонавтнить кавто полавкссо, авань ды эйкакшонь нупалесь ды эйкакштнень нурька шкас аштемань кужось истяжо кармить важодеме кавто полавкссо», — тешкстызе теварсевксэнь топавтыцясь.