«Кой-кирдань фестивалесь» вейсэндясынзе Мордовиянть ды Пенза ёнксонть (эрзя)

Умарьковонь 23-це чистэ саезь 31-це чис топавтови «Фестиваль традиций: Россия. Республика Мордовия – Пензенская область» теварсевксэсь. Сонзэ эйс совить зярыя улевкст. Умарьковонь 23-це чистэ Сарансо юты весе Россиянь од ломанень «Минь вейсэ!» раськень морокуронь шкинемань марафон. Теке жо чистэ сравтови Россиянь Федерациянь субъекттнэстэ кедьчелькев ломантнень «ТЕВ» раськень художествань промыслань ды ремёслань регионъютконь невтемась.
Умарьковонь 24-це чистэ Сыре Шайговань буень Сыре Теризморгасо юты «Шумбрат» раськень-фольклоронь покшчись ды «Морыця чувто» чувто ланга керсемань Регионъютконь фестивалесь-пелькстамось. А умарьковонь 31-це чистэ Пенза ёнксонь Даньшино велесэ теварсевксэсь прядови «Даньшино – территория возрождения» Регионъютконь фестивальсэ.