Нәрсә соң ул тәкъвалык?
Тимергали хәзрәт Юлдашев телеграм-каналында тәкъвалык турында аңлата.
«Тәкъвалык – ул акылыбызга, күңелебезгә, тәнебезгә, барлык мәхлукларга зыян китерә торган гамәлләрдән, гөнаһлардан саклану, ерак булу дигәнне аңлата.
Берәү Әбү Һөрайра радыяллаһу ганһедән тәкъвалыкның асылы турында сораган.
Әбү Һөрәйра радыяллаһу ганһе аңа:
– Урамда бик күп чәнечкеле үсемлекләр бар. Син шул чәнечкеләр өстенә басып барачаксыңмы, әллә аларны әйләнеп узачаксыңмы? – дигән.
Әңгәмәдәше:
– Әйләнеп узачакмын, – дип җавап биргән.
Әбү Һөрайра:
– Менә шул әйләнеп узу тәкъвалык була да инде, гөнаһларны да шулай әйләнеп узарга кирәк, – дип әйткән.
Һәркемгә дә имин, бәрәкәтле көннәр теләп калам!» – дип яза хәзрәт.