38 яшьлек хатын картлар йортына яшәргә киткән

Кытайда 38 яшьлек хатын картлар йортына яшәргә киткән, чөнки бик нык арыган була.

Ян фамилияле хатын сөйләгәнчә, ул организмы какшап хастаханәгә эләгә һәм анда бер ай ята. Аннан чыккач, тормышын үзгәртергә тели һәм ял итәргә, көч җыярга һәм салмак тормыш белән ләззәтләнергә уйлап, картлар йортына барып эләгә.

«Мин шәһәрдә аз гына тавыштан да уяна идем. Болай яшәү миңа уңайлы булды», – дип сөйләгән ул.

Картлар йортындагы номер өчен Ян аена $370 түли. Бу бәягә ашау һәм медицина тәрбиясе дә керә. Моннан тыш, картлар йорты табигать кочагында урнашкан? Монда җимеш бакчасы һәм тавис кошы, болан кебек җәнлекләр бар.

Хатын анда өч ай яшәгән һәм үзе әйткәнчә, тәнен генә түгел, җанын да ял иттергән, дип яза Asia One.