«Кургонясь» фестивалесь учи инжеть (эрзя)

Умарьковонь 25-це чистэ Рузаевкань буень Приреченской велень поселениянь таркасо юты эрзянь-мокшонь инжень вастомань «Кургоня – 2024» Регионъютконь X-це фестивалесь. Те чись вейсэнди буень велетнень весе эрицятнень. Сынь ускить фестивалев шкань эмежстэ пидезь-панезь эрьва кодат ярсамопельть. Прявт вановтось – «Кургоня» покштояк покш панжакайтень. Варчамс сонзэ мереви весенень. Ютазь иестэ покшчис анокстазель сехте покш панжакаесь. Диаметразо ульнесь 3,3 метрат, сталмозо – 260 килограммат. Покшчинь историясонть те зярс сехте покш паневксэсь. Истяжо программасонть мастер-класст, налксемат ды пелькстамот, покшчинь концерт ды ламо лия. «Кургоня» фестиваленть видекс мереви лемдемс аволь ансяк буень, весе республиканок сех прявтокс, мазыекс ды покш чикс. Сонзэ прявт тевесь – Мордовия Республикань раськетнень вейсэндямось, эрзянь ды мокшонь культуранть, эрямо ёнксонь койтнень келейгавтомась.